ಮನುಷ್ಯಾಕೃತಿಯಿಂದ ....

Metamorphosis - Franz kafka.
ಅನುವಾದ:- ರೂಪಾಂತರ  -  ಗಿರಿ.

ಮನುಷ್ಯಾಕೃತಿಯಿಂದ ಒಂದು ಹುಳವಾಗಿ ರೂಪಾಂತರ ಹೊಂದುವ ಸಂಚಾರಿ ವ್ಯಾಪರಿ  ಗ್ರಿಗೊರಸಂಸನ ಕಥೆ ಇದು. ಒಂದರ್ಥದಲ್ಲಿ ಇದು ಮನುಷ್ಯನವಶ್ಯಕತೆಯ ಬಗ್ಗೆ ಮಾತಾಡುತ್ತದೆಯೆನೋ ಅನಿಸುತ್ತದೆ. ರಕ್ತ ಸಂಬಂಧವಾಗಲಿ ಅಥವಾ ಆತ್ಮೀಯ  ಪರಿಚಯಗಳಾಗಲಿ ಆ ವ್ಯಕ್ತಿಯ ಅವಶ್ಯಕತೆ ಮುಗಿದ ನಂತರ ದೂರ ಇಡುವ ಅಥವಾ ಅವನನ್ನು ನಮ್ಮ ಮೂಗಿನ ನೇರಕ್ಕೆ ಅಥೈಸಿಕೊಂಡತೆ ನಡೆಸಿಕೊಳ್ಳುವಂತೆ ಕಾಣುತ್ತವೆ.

ವಸ್ತುಸ್ಥಿತಿಯನ್ನು ಇದ್ದಂತೆಯೇ ಚಿತ್ರಿಸಿಯೂ ಅದರ ಚಿತ್ರಣದಲ್ಲಿ ಹಲವು ಬಗೆಯ ಅಗಾಧವಾದ ತಾಪದಾಯಕವಾದ ವಿಪರ್ಯಾಸಗಳನ್ನು ಹೊಳೆಯಿಸುವುದು ಕಾಫ್ಕಾನ ಬರಹದ ಅತೀ ಮುಖ್ಯ ಲಕ್ಷಣವೆಂದು ಗಿರಿ ಹೇಳುತ್ತಾರೆ.

"ಒಂದು ಬೆಳಗ್ಗೆ ಸಂಸ  ಅನಿಷ್ಟ ಕನಸುಗಳಿಂದ ಎಚ್ಚತ್ತುಕೊಂಡಾಗ ಹಾಸಿಗೆಯಲ್ಲಿ ತಾನೊಂದು ದೈತ್ಯಾಕಾರದ ಹುಳುವಾಗಿ ಪರಿವರ್ತನೆಗೊಂಡಿದ್ದು ವ್ಯಕ್ತವಾಯಿತು"- ಕಾದಂಬರಿಯ ಮೊದಲ ಸಾಲುಗಳಿವು.  ಒಂದರ್ಥದಲ್ಲಿ " ಮನುಷ್ಯನ ವರ್ತನೆಗೆ ಹುಳುವಿನ ಹೊದಿಕೆ ಹಾಕಿ ಸುತ್ತಲಿನವರ ಕ್ರೀಯೆ ಪ್ರತಿಕ್ರಿಯೆ ದಾಖಲಿಸುವುದಾಗಿದೆಯಂದು ಮೇಲುನೋಟಕ್ಕೆ ಕಂಡರೂ"ಸಹ ....ಕಾಫ್ಕಾನಗೆ ಇಲ್ಲಿ ಏನೋ ಹೊಸತು ಹೇಳುವುದಿದೆ. ಸಂಸನ ಮೇಲೆಯೆ ಅವಲಂಬಿತವಾದ ಪುಟ್ಟ ಕುಟುಂಬ ಮುಂದೆ ಅವ ಹುಳುವಾದಾಗ ಉಳಿದವರು  ದುಡಿಯಲು ಮನೆಯಾಚೆ ಹೆಜ್ಜೆ  ಇಟ್ಟ ತಕ್ಷಣ ಸಂಸ ಅವರ ಕಣ್ಣಿಗೆ  ಇನ್ನೊಂದು ಬಗ್ಗೆಯಲ್ಲಿ ಕಾಣುತ್ತಾನೆ.

ಸಂಸನ ಅಪ್ಪ, ಅಮ್ಮ, ತಂಗಿ ಇವಿರಷ್ಟೆ ಅವನ ಕುಟುಂಬ. ಹೆಡ್ ಕ್ಲರ್ಕ್ ಮನೆಗೆ ಬಂದಾಗ ಸಂಸ ರೂಮಿನಿಂದಲೆ " ಹೇಗೆ ಇಂಥದೊಂದು ತೊಂದರೆ ಒಬ್ಬನನ್ನು ಇದಕ್ಕಿದ್ದ ಹಾಗೆ ಮಲಗಿಸಿಬಿಡುತ್ತೆ ನೋಡಿ ! ಎಂದು ಹೇಳುವಲ್ಲಿ , ಆ ಸಮಸ್ಯೆಯಿಂದ ಕಳೆದು ಹೋಗುತ್ತಿರುವ ನಂಬಿಕೆಯ ಕೊಂಡಿ ಜೋಡಿಸುವ ತಂತುವಾಗ ಈ ಮಾತು ಆಡುತ್ತಾನೆ.

ಬದುಕಿನ ತೃಪ್ತಿ, ಖುಷಿ, ಎಲ್ಲವೂ ಜಿಗುಪ್ಸೆಯಲ್ಲಿಯೆ ಅಂತ್ಯವಾಗುವುದೆಂದರೆ ? ಈ ಪ್ರಶ್ನೆಯನ್ನು ಸಂಸ ಕೇಳಿಕೊಳ್ಳುವಾಗ ಏನೋ ವಿಚಿತ್ರ ಅನಿಸುತ್ತದೆ. ಅವ ಹುಳುವಾಗಿ ಪರಿವರ್ತನೆಗೊಂಡಿದಕ್ಕೆ ಈ ಮಾತಿರಬಹುದು.

ಅವನು  ಒಂದು ತಿಂಗಳಲ್ಲಿಯೆ ಹುಳುವಾಗಿ ರೂಪಾಂತರ ಹೊಂದುತ್ತಾನೆ. ಆದರೆ ತಾಯಿ ಅವನನ್ನು  ಇಗಲೂ ಸ್ವೀಕರಿಸಲು ಸಿದ್ಧಳಿದಾಳೆ. ಅಲ್ಲಿ ಹೇಸಿಗೆಯಿಲ್ಲ. ಮರುಕವಿದೆ. ಅಪ್ಪನಿಗೆ ಬದುಕು ಸಾಗಿಸುವುದೊಂದೆ ಚಿಂತೆ. ತಂಗಿಗೂ ಸಹ. ಆದರೂ ಅವನ ಕೋಣೆ ಪ್ರವೇಶಿಸಿ ಅವನಿಗೆ ಅನುಕೂಲಕರವಾಗುವ ಹಾಗೇ ನೋಡುಕೊಳ್ಳುತಳಾದರೂ " ಒಂದು ಹುಳುವಿಗೆ ಬೇಕಾದ ಸವಲತ್ತು ಮತ್ತು ಖಾಲಿತನ ನೀಡುತ್ತಾಳೆಯೆ ಹೊರತು ಅದರಲ್ಲಿ ಮನುಷ್ಯ ಹೃದಯದ ಬಗ್ಗೆ ಚಿಂತಿಸುವುದೆಯಿಲ್ಲ".

ಕೊನೆಗೆ ಹುಳು (ಸಂಸ) ಸಾಯುತ್ತದೆ. ಕೆಲಸದವಳು ಖುಷಿಯಿಂದ ನಾ ಆ ಗೊಬ್ಬರಹುಳವನ್ನು ಬಿಸಾಕಿ ಬಂದೆ ಎಂದಾಗಲೂ ಮನೆಯವರು ಆಶ್ಚರ್ಯ ಪಡುವುದಿಲ್ಲ. ಯಾವುದೋ ಹುಳವನ್ನು ಪುಟ್ಟ ಮಗು ಸಾಯಿಸಿದ್ದರೆ ಚಿಂತಿಸುತ್ತೆವೆಯೆ ಹಾಗೇ .....

ಯಾಕೆ ಕಾಫ್ಕಾನ  ಆ ಸಂಸನನ್ನು ಅಂದರೆ ಮನೆಗೆ ಆಧಾರವಾದ ಮಗನನ್ನು ಹುಳುವಾಗಿ ಪರಿವರ್ತಿಸಿದ ಮತ್ತು  ಒಟ್ಟಾರೆ ಆಶಯವೇನೆಂದು ಪ್ರಶ್ನಿಸಿಕೊಂಡಾಗ. ನನಗೆ ಸಂಸನ ಮಾತೆ ನೆನಪಾಗುತ್ತದೆ..

" ಈ ಸುಖ, ಶಾಂತಿ, ತೃಪ್ತಿಗಳೆಲ್ಲ ಅಸಾಧ್ಯವಾದ ಭೀತಿ ಜಿಗುಪ್ಸೆಯಲ್ಲಿ ಕೊನೆಗೊಳ್ಳುವುದಾದರೆ ಏನು ಪ್ರಯೋಚನ ?"

ಗಿರಿಯವರು ಅರ್ಥಪೂರ್ಣವಾದ ಪ್ರಸ್ತಾವನೆ ಇದಕ್ಕೆ ಬರೆದಿದ್ದಾರೆ. ಕಾಫ್ಕಾನ ಬದುಕು ಮತ್ತು ಸಾಹಿತ್ಯದ ಪರಿಚಯ ಆ ಬರಹದಲ್ಲಿದೆ.

# ಕಪಿಲ ಪಿ ಹುಮನಾಬಾದೆ.
7-06-2017.